Madaxweynaha JFS oo Ubax dhigay Taaladda Daljirka Dahsoon

Muqdisho(somalipm.com)–Madaxweynaha JF Soomaalia Mudane Maxamed Cabdullahi Farmaajo ayaa Saaka Ubax dhigay Taalada Dalka Jirka Daahsoon ee Magaalada Muqdisho, kaasi lagu maamuusayay 58 guuradii ka soo wareegatay markii ay Xorriyadda ka qaateen Gumeysigii Ingriiska 26-ki juun 1960-kii.

Munaasabadaasi Ubax dhigga aheyd ayaa waxaa ka qeyb galey dadweyne aad u farabadan oo iskaga kala yimid dagmooyinka gobolka Banaadir, kuwaasi oo ay ka muuqatay farxada ciida xorriyadda, Guddoomiyaha gobolka Banadir, Wasiirro, Xildhibaannno iyo Xubno ka tirsan Ciidamaadda baandeyda.

Dadweynaha iskaga kala yimid qaar ka tirsan degmooyinka gobolka Banaadir oo si raxan raxan ah u socday, iyagoo ku labisan dharka hidaha iyo dhaqanka, calanka jamhuuriyadana gacanta ku haya ayey taalada daljirka daahsoon soo gaarayeen, si ay uga qeyb galeen xuska 26-ka Juun, waxeyna iskugu jireen dadweynuhu Ardeyda waxka barata iskuulaadka muqdisho iyo Ururda Bulshada.

Guddoomiyaha ururka Haweenka gobolka Banaadir oo ka hadashay munaasabaddaasi ayaa sheegtay in Dadkii ka soo qebgalay Munaasabaddaasi ay yihiin dadweyne ku dhaqan gobolkan, una diyaarsan yihiin ka qeyb qaadashada todobaadka xoriyada oo ay sidoo ku soo fooleedahey 27-kaJjuun oo ku beegan xorrnimada wadanka aynu walaalaha nahey ee jabuuti iyo 1luulyo oo ah israaci gobolada waqooyi iyo koonfur.

Qaar katirsan dadweynaha kala duwan ee ka qeyb galaayey munaasadaan ayaan dareenkooda ku muujiyaya sida ay ugu faraxsan yihiin ka qeybgalka munaasabadaasi, oo ah maalintii Calan Soomaaliyeed laga taago dhulka Soomaaliyeed.

Maalmaha xorriyadda Soomaalida ee 26-ka Juun, 27-ka Juun iyo 1-da luuliyo oo inagu soo fool leh ayay dadweynaha Soomaaliyeed ee ku kala dhaqan gudaha dalka iyo dibaddiisaba waxay ku soo banbaxaan iyago muujinaaya waddaniyadooda xuska Todfobaadka xoriyadda Soomaalida.


Source: somalipm.com

LEAVE A REPLY

Please enter your comment!
Please enter your name here