Mas’uuliyiin ka tirsan Dowladda oo ka qeyb galay abaal marin la guddoonsiiyay Xawaaladda Taaj

Guddoomiye ku-xigeenga Golaha Shacabka iyo Wasiiro ka tirsan Xukuumadda Federaalka Soomaaliya ayaa ka qeyb galay munaasabad lagu soo badhigay abaalmarinta xawaaladda ugu fiican Qaaradda Afrika ee sanadkaan oo ay ku guuleysatay Xawaalada Taaj.

Cali Maxamuud Guuleed Maamulaha Taaj ayaa sheegay in abaalmarintan ay ku heleen dadaal dheeri ah oo ay sameeyeen.

“Waxaan abaalmarintaan uga guuleysanay waddo naga horumarsan, waxaana ku gaarnay hubinta Wasaaradda Maaliyadda iyo Bankiga dhexe ee habka xawaaladuhu u shaqeeyaan”ayuu yiri Cali.

Cabdulaahi Maxamed Sheekh oo ku hadlayay magaca Ururka Xawaaladleyda ayaa soo dhaweeyay guusha ay soo hooysay Xawaaladda Taaj.

“Meel hoose ayay ka soo bilaabeen waxayna marayaan heer ay ku guuleysteen xawaaladda ugu fiican Qaaradda Afrika” ayuu yiri Cabdullaahi.

Guddoomiyaha Hormuud Axmed Maxamuud Yuusuf. ayaa tilmaamay in ay ku sii dadali doonaan sidii loo horumarin lahaa shirkadaha qeybta ka ah Hormuud.

Wasiirka Maaliyadda ee Xukuumadda Soomaaliya Mudane Cabdiraxmaan Ducaale Beyle ayaa hoosta ka xariiqay in tani ay astaan u tahay guulaha Soomaaliya ay ka gaartay dhanka hufnaanta Maaliyadda.

“In nala aaminay waxaa astaan u ah guusha maanta ay gaartay xawaaladda Taaj” ayuu yiri Wasiirka Maaliyadda oo hadalkiisa ku daray “Xawaaladaha iyo Bankiyo lama ilaawi karo waxwalba waxaan ka shaqaynaynaa inaan u fududeyno waxwalba ay u baahan yihiin”.,

Wasiirka Warfaafinta, Dhaqanka iyo Dalxiiska ee Xukuumadda Soomaaliya Mudane Maxamed Cabdi Xayir Maareeye ayaa hambalyo iyo bogaadin u dirtay madaxda iyo shaqaalaha shirkadda Taaj.

“Hambalyo ayaan leenahay shirkadda Taaj guusheeda, waxaa sabab u ah maamulkeeda, waana ku amaanayaa”.

Wasiirka Boostada iyo Isgaarsiinta Soomaaliya Eng Cabdi Canshuur ayaa sheegay in abaalmarintan ay tahay guul u soo hooyatay dhamaan bulshada Soomaaliyeed.

“Abaalmarintaan waa guul aad u soo hoyseen dhammaan shirkadaha Soomaaliyeed, waxayna dhiira gelin u noqonaysaa shirkadaha”.ayuu yiri Wasiirka Boostada Eng, Cabdicanshuur.

Guddoomiye ku-xigeenka Koowaad ee Golaha Shacabka Mudane Cabdiwali Ibraahim Muudey ayaa amaan u jeediyay madaxda Xawaaladda Taaj.

“Hadii la dhihi jiray shirkadaha waxay la shaqeeyaan argagixisada waa been, maantana waxay keeneen abaalmarintaan oo marqaati ka ah inay si sharci ah u shaqeeyaan, dowladda waxaan leenahay mas’uuliyad iska saara ka jawaabidda dhibaatada ay ka cabanayaan shirkadaha, waana dhibaato u baahan in xil la iska saaro”ayuu yiri Guddoomiye ku-xigeenka koowaad ee Golaha Shacabka.


Source: somalipm.com

LEAVE A REPLY

Please enter your comment!
Please enter your name here