Dayactir lagu bilaabay Xafiiskii Guddoonka Wasaaradda Waxbarashada Soomaaliya ee mgaalada Dhuusamareeb

SHARE

Facebook

Twitter

Dayactirka Xafiiskii Guddoonka Wasaaradda Waxbarashada Soomaaliya ee ku taala mgaalada Dhuusamareeb, waxaa iska kaashanaya maamulka Galmudug iyo Hay’adda Care oo bixineysa dhaqaalaha ku baxaya dayactirka xafiiska, iyadoo ay door weyn ku leeyihiin Iskaashatooyinka Deegaanada Galmudug.

Sheekh Maxamed Shaakir Cali Xasan Madaxa Golaha Wasiirada Galmudug ayaa waxa uu Goob joog ka ahaa Dib u dhiska lagu samaynayo Xafiiskan, waxaana  Wasiiru-Dawlaha Wasaaradda Waxbarashada Galmudug Burhaan Warasame Cigaal oo halkaasi ka hadlay uu sheegay in howsha socota ay muhiim u tahay sare u qaadista waxbarashada deegaanada Galmudug.

Madaxa Golaha Wasiirada Galmudug Sheekh Maxamed Shaakir ayaa isna Munaasabadda ka hadlay waxa uuna xusay in Wasaaradda Waxbarashada Howlaheeda laga hagi doono Halkan sidoo kalana dhawaan la dhisi doono Halkii loo qorsheeyey Wasaradda Waxbarashada Galmudug.

Dhinaca kale waxaa la dhagax dhigay Mashruuc lagu dhamaystirayo dhismayaal qabyo ah oo ku yaala  mid ka mid ah Iskuulada Magaalada Dhuusamareeb, waxaana gacan ka gaysanaysa Wasaarada Waxbarashada Galmudug.

SHARE

Facebook

Twitter

Previous articleXulka Qaranka kubadda Gacanta Soomaaliya  20-jirada iyo 18-jirada oo ka qay galaya ciyaaraha Bariga iyo Bartamaha Afrika+Sawirro


Source: somalipm.com

LEAVE A REPLY

Please enter your comment!
Please enter your name here