Dekadda magaaladda Muqdisho oo lagu qabtay Kontainer Khamri ah “Sawirro”

SHARE

Facebook

Twitter

Muqdisho (somalipm.com)-Ciidanka booliska Soomaaliyeed ayaa maanta dekadda magaaladda Muqdisho ku qabtay kontainer Khamri ah, kaas oo saxaafadda loo soo bandhigay, iyaddoo goobta lagu soo bandhigay ay joogeen mas’uuliyiin ka tirsan maamulka gobolka Banaadir iyo saraakiil ka tirsan booliska Soomaaliya.

Mas’uuliyiinta ayaa sheegay in kontainerka ay ku jiraan 905 kartoon oo Khamri ah, kuwaasi oo isla maanta lagu gubay duleedka magaalada Muqdisho.

Guddoomiye ku-xiggeenka arrimaha bulshadda maamulka gobolka Banaadir, Basma Caamir Shakeeti ayaa sheegtay in sidoo kale Khamri kale lagu qabtay garoonka diyaaradaha magaalada Muqdisho, kuwaas oo boorsooyin lagu dhex qariyay.

Taliye ku-xiggeenka Hoggaanka dambi baarista ee ciidanka booliiska Soomaaliya Sarreeye guuto Bishaar Abshir Geeddi iyo Taliyaha Hoggaanka Ilaalinta Canshuuraha ee  ciidanka booliiska Sarreeye guuto C/laahi Xasan Bariise ayaa kamid ahaa mas’uuliyiinta goob jooga ka ahaa gubista iyo burburinta Khamrigan.

SHARE

Facebook

Twitter

Previous articleMadaxweyne Farmaajo oo faray Xukuumadda in ay sii dardar geliso baahinta Adeegyada Bulshada


Source: somalipm.com

LEAVE A REPLY

Please enter your comment!
Please enter your name here