Wasiir Beyle “Dadaal keenii wuu mira dhalayaa, guushuna way caddahay”

Wasiirka Wasaaradda Maaliyadda Xukuumadda Federaalka Soomaaliya Mudane Cabdiraxmaan Ducaalle Beyle ayaa sheegay in Dadaalka dawladda ee horumarinta dhaqaallaha dalka uu miro dhalay, guulna laga gaaray dib u habeynta siyaasdeed ee  hanaanka maamulka maaliyadeed.

“Dadaal keenii wuu mira dhalayaa, guushuna way caddahay sida ku cad warbixinta ay soo saartay  IMF” ayuu yiri Wasiir Beyle.

Mudane Cabdiraxmaan Ducaalle Beyle Wasiirka Maaliyadda Xukuumadda Federaalka Soomaaliya ayaa xusay in Soomaaliya ay cagta saartay dhabbaha Horumarka iyo guusha, isla markaana godkii madoobaa ay kasoo baxday, waxaana shacabka Soomaaliyeed uu ku ammaanay dadaalka ay ka geeysanayaan horumarka dhaqaallaha.

Wasiir Beyle ayaa yiri “Godkii madoobaa waanu ka soo baxnay, waxaanu saaranahay dhabbihii caddaa ee guusha, Hadaan nahay Ummadda Soomaaliyeed waa in aan dadaalkeena sii laba laabnaa”

“Waxaan u mahadcelinayaa dhamaan shacabka Soomaaliyeed oo mas’uul ka ah horumar walba oo aan sameyno, hadaysan canshuur bixin laheyn, isla markaana aysan la shaqeyn laheyn Dowladdooda maanta ma gaari laheyn guul walba oo aanu gaarnay” ayuu mar kale yiri Wasiir Beyle.

Hay’adda (IMF) ayaa War qoraal ah oo ay soo saartay waxay Dowladda Soomaaliya ku ammaantay guulaha muhiimka ah oo ay ka gaartay horumarinta hanaanka maamul maaliyadeed ee dalka, kobaca daqliga soo gala dowladda, taasi oo ku timid dadaalkii wasaaradda Maaliyadda Soomaaliya ay u gashey siddii muwadiniintu loogu buraarujin lahaa ahmiyadda ay leedahay bixinta canshuuraha, waxaana hay’adda (IMF) ay xustay in sanadkan 2019 uu jiro horumaro ballaaran oo dowladdu ay ka gaartay xagga daqliga.

Did you like this? Share it:


Source: somalipm.com

LEAVE A REPLY

Please enter your comment!
Please enter your name here