Wasiirada Beeraha iyo Kallumeysiga XFS oo kulan la qaatay masuuliyiin ka socda hay’adda FAO “Sawirro”

Muqdisho (somalipm.com)- Ujeedada kulankan ayaa ahayd siddii loo xoojin lahaa wada shaqeynta  ka dhaxaysa hay’adda FAO, iyo Wasaaradaha Beeraha iyo Kaluumeysiga, waxaana goob joog ka ahaa Wasiirka Beeraha Saciid Xuseen Ciid ,iyo Wasiirka kaluumeysiga iyo Khayraadka Badda Mudane Cabdullahi Bidhaan Warsame, iyo masuulyiin kale oo ka tirsan  Wasaradda Beeraha iyo Waraabka.

Masuuliyiinta ayaa kulankooda diirada ku  saaray sidii loo amba qaadi lahaa geedi socodka shaqo ee hay’ada FAO  ay ka wada Soomaaliya, iyadoo la tashaneysa wasaaradaha xukuumada dhexe, si loo muujiyo hanaanka dowladnimo .

Wasiirada wasaaradaha Beeraha iyo Kaluumeysiga ayaa u mahadnaqay madaxdii ka socotay hay’adda FAO,  kuwaas oo iyana dhankooda masuuliyiinta labada wasaaradood kaga mahadceliyey wada shaqeynta wanaagsan oo ay u muujiyeyn.

Markii uu kulanka soo dhamaaday kadib waxaa warbaahinta waxyaabihii ugu muhiimsanaa ee laga hadlay u sharaxay Agaasimaha guud ee wasaaradda Beeraha iyo waraabka Maxamuud Maxamed Maxamuud, Wuxuuna sheegay ineey labada dhinac ka hadleen sidii loo xoojin lahaa wada shaqeynta iyo sidii loo hirgelin lahaa  waxyaabaha u baahan in wax laga qabto.

Masuuliyiintan ka socota Hay’adda Qaramada midoobay u qaabilsan Cunada iyo Beeraha ee FAO ayaa sanad walba booqda xaruumaha wasaaradaha dowladda Soomaaliya si ay u sameeyaan xog uruurin ku saabsan waxyaabihii qabsoomay iyo caqabadaha jira ee u baahan in la xaliyo.


Source: somalipm.com

LEAVE A REPLY

Please enter your comment!
Please enter your name here