Wasiiradda Arrimaha Dibada Itoobiya iyo Eritrea oo soo gaaray Magaalada Muqdisho

SHARE

Facebook

Twitter

Muqdisho (somalipm.com) Wasiirka Arrimaha Dibada Itoobiya Workneh Gebeyehu iyo Wasiirka Arrimaha Dibadda Eritrea Cusman Saleh ayaa goor-dhow soo gaaray magaalada Muqdisho, iyadoo masuuliyiin ka tirsan Dowlada Soomaaliya ay kusoo dhaweeyeen Garoonka Aadan Cadde.

Wasiirka Arrimaha Dibada iyo Iskaashiga Caalamiga ee Xukuumadda Soomaaliya Mudane Axmed Ciise Cawad, Wasiiro kale oo ka tirsan Xukuumadda Federaalka Soomaaliya iyo Safiirka Dowlada Itoobiya ee Soomaaliya ayaa wafdigan soo dhaweeyay.

Wasiiradda Arrimaha Dibada Itoobiya iyo Eritrea ayaa inta ku sugan yihiin Magaalada Muqdisho waxay kulamo kala duwan la qaadan doonaan Madaxda Dalka, iyadoo laga wada hadli doono Xoojiinta Xiriirka iyo sare u qaadida Wada shaqeynta Dowladahaasi iyo Soomaaliya.

Dowlada Soomaaliya ayaa wada shaqeyn xoogan la leh Wadamada Geeska Afrika, Iyadoo Madaxweynaha Soomaaliya Maxamed Cabdulaahi Farmaajo uu Magaalada Asmara Heshiis Iskaashi kula galay Madaxweynaha Eritrea iyo Ra’iisul wasaaraha Itoobiya.

SHARE

Facebook

Twitter

Previous articleCiidamada Israel oo burburiyay Guri uu leeyahay Muwaadin Falastiini ah
Next articleSoomaaliya oo ka qeyb galeysa Shirkii 5-aad ee guddiga Joogtada ah ee Arrimaha xuquuqul-Insaanka ee Wadamada Islaamka


Source: somalipm.com

LEAVE A REPLY

Please enter your comment!
Please enter your name here